ഉലാന്ഉദെ: ലോക വനിതാ ബോക്സിങ് ചാമ്പ്യന്ഷിപ്പില് മേരി കോമിന് വെങ്കലം. രണ്ടാം സീഡ് താരവും യൂറോപ്യന് ജേതാവുമായ തുര്ക്കിയുടെ ബുസാനെസ് ചാകിരൊഗ്ലുവിനോട് മേരി കോം സെമിയില് പരാജയപ്പെട്ടുവെങ്കിലും ലോക ചാമ്പ്യന് ഷിപ്പില് ഏറ്റവും കൂടുതല് മെഡല് നേടുന്ന വനിതാ താരം എന്ന നേട്ടം മേരി ഇതോടെ സ്വന്തമാക്കി. 1-4 നാണ് മേരി ചാകിരൊഗ്ലുവിനോട് തോറ്റത്.
ക്വാര്ട്ടറില് കൊളംബിയയുടെ വലന്സിയ വിക്ടോറിയയെ തോല്പ്പിച്ചാണ് മേരി കോം സെമിയില് പ്രവേശിച്ചത്. 5-0 ത്തിനായിരുന്നു മേരിയുടെ വിജയം. ചൈനയുടെ സായ് സോങ്ജുവിനെ വീഴ്ത്തിയാണ് ബുസാനെസ് സെമിയിലെത്തിയത്.
എന്നാൽ മേരി കോമിന്റെ തോല്വിയെ ചോദ്യം ചെയ്ത് ഇന്ത്യ അപ്പീല് നല്കി.രണ്ടാം സീഡ് താരവും യൂറോപ്യന് ജേതാവുമായ തുര്ക്കിയുടെ ബുസാനെസ് ചാകിരൊഗ്ലുവിനോട് മേരി കോം സെമിയില് പരാജയപ്പെട്ടതായി പ്രഖ്യാപിച്ചിരുന്നു.
റഫറിയുടെ തീരുമാനത്തെ ചോദ്യം ചെയ്താണ് ഇന്ത്യ അപ്പീല് നല്കിയിരിക്കുന്നത്. 1-4 ന് മേരി പരാജയപ്പെട്ടുവെന്നായിരുന്നു മത്സരഫലം. ഇതില് അപാകതകളുണ്ടെന്ന് ചൂണ്ടിക്കാട്ടിയാണ് അപ്പീല് നല്കിയിരിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
